樓市前景仲未明朗，唔少資深投資者都按兵不動，部分就寧願大幅落價，盡早出貨離場。有地產代理同劉士通講，九龍城獅子石道四十四號全幢，早前開價大約二千二百萬至二千三百萬元放售，有興趣買家都唔少，不過出手就未達業主心水。未幾，業主最終肯減至約一千七百八十萬元售出上址，較之前意向價足足低左約兩成。名成鄺鋩話，同區比較偏離既聯合道四十八號全幢，幢物業細o的，都賣左一千七百五十萬元。

除此之外，創峰又話，英皇道四百四十二號地舖以約九百五十萬元沽出，較業主意向價約一千二百萬元，都低過超過兩成。事實上，近期投資市場確實好靜，半億元成交極少，只錄到軒尼詩道三百三十七號及皇后大道東八十七號，分別以約二千八百萬及一千三百萬元易手。

港商場入圍國際獎項©
亞洲經濟起飛，區內零售業亦愈見蓬勃，一間名為國際購物中心協會（ICSC）既機構，亦諗住係下個月中，首次向亞洲區既購物中心，頒發國際性獎項，其中香港國際機場一號及二號客運大樓、旺角朗豪坊及慈雲山購物中心，已經入圍，希望可以為港增光。

劉士通聽ICSC亞洲分局陳源興講，將會係下個月十四至十六日，係澳門搞亞洲區域商場物業會議，會上會向亞洲商場頒發全球營銷大獎，以及設計及項目發展大獎，佢話透過呢個全球獎勵項目，對世界各地商場作出嘉許。

劉士通